小布係台灣網拍model

依家俾人發掘，將會同另外2個女仔組成一個新組合叫 i pink 愛粉紅

不過我上youtube聽過佢把聲，本身已經好ok，唔知唱個陣得唔得呢?

仲有就係，佢既性格都係可愛個一類型

亦都係我鍾意個一類，不過我偏偏同呢一類女仔冇咩緣份.......

依家好期待小布的新歌發佈，唔知幾時先出呢??

小布的資料

身高：158cm

體重：38kg

生日日期：1988/8/17

星座：獅子座

學系：康寧資管系

2-3年前到啦~個時我係西環返工，每日放工我都好眼瞓，因為我太累了，所以搭巴士會瞓，落左車都好似未瞓醒咁~

歸家時，我通常坐904/905返旺角，再轉火車返屋企

某日~我入到火車站醒起，百達通無錢，就去增值

增值個時，個櫃台服務員同我講：「先生，呢張冇得增值wo~」

我諗在一陣：「.......，點解冇得增值呢﹖」當時仲要望在張卡好耐

突然發覺，原來呢張係EPS，而唔係百達通..........

當時我終於由神智不清既狀態，即時醒覺，仲即刻攞返張百達通出黎俾人增值

事後我係度諗，點解我由聯合商場行去火車站個陣可以一d事都冇，但係就會搞個咁既笑話出黎呢﹖

最勁既係，個位櫃台服務員可以笑都唔笑下，咁同我講野........俾著係我即使唔即時大笑，都始終會忍唔住囉~

某某~我知你唔會睇呢個blog，不過我真係有d野想講

我依家真係好掛住你呀~

唉.........

今日睇左《殺神特工》

睇完之後.......估唔到原來fing手開槍都可以令到d子彈曉轉彎，真係唔夠佢玩......

仲要最後個度，安祖蓮娜祖莉可以令到1粒子彈射個圓型既軌道打晒所有人，仲要最後粒子彈可以打返自己~勁~我諗要令到1粒子彈咁樣轉彎法，個一下fing手既力度應該要好大下.......

簡單d講，呢套戲真係睇特技，劇情真係麻麻，有d位仲要係好誇張，好似個個都係超人咁，或者有特異功能。

~完~

我講緊既唔係無線之前個套，而係日本個套

日本個套《西遊記》真係怕得好爛，一d都唔好睇，唔講都唔知裡面d人會係神仙囉，好似一d法術都唔識咁。仲有孫悟空係好勁架嘛，點解講到佢咁廢既...........

不過可能兩地文化唔同啦~但係我諗點都唔會岩香港人既口味掛??點解無線仲要播呢套劇呢?

而且d人既演技真係.......係超低能，但係唔係勁搞笑囉。《花漾》個d反而冇乜野wo，但係呢套就真係唔得喇，太爛喇~

昨晚又係百福踢波

我個邊有嘉信、雄仔、龍爺、飛泉、文俊、阿井、阿南，8個人

對面個邊有.......好多我唔識.......不過佢地係幾勁咁啦~

最後輸唔知幾多，好似係輸  ?:2 我地都有入到波架

一球係雄仔入，另一球係阿南入~

不過雖然係玩，但係都睇到樣野，就係原來我一唔落場，成隊波就好靜，根本冇人會提場，咁樣唔係咁好~

龍爺同飛泉又好似好緊張咁，如果佢地輕鬆d踢，踢出黎既效果可能會仲好。

~完~

今日阿井同我講想踢波，講講下，佢話遲d可能又搵d人定時踢波，仲問我到時係幫唔幫佢個邊踢，我話到時先啦~

如果係，咁我又可以踢多一邊~正~

呢幾日過得好平淡，不過心情就麻麻

原來公司有好幾個人都諗住考警察，從佢地口中得知好多野，依家返工既樂趣又大左

原來自己既體能唔係真係好差，幾好幾好~

gave up & forget once again

今日終於考晒所有試，一身鬆晒

同時今日我又同hei、毛毛、豪輝打牌，又輸

不過算啦~

今日，基本上係頭先，我又做左個決定，對我黎講又係一個重大決定，冇信心會成功，當然最好係得啦~

休息多一日又要返工......算啦~依家對我黎講係.............