依家俾人發掘，將會同另外2個女仔組成一個新組合叫 i pink 愛粉紅

不過我上youtube聽過佢把聲，本身已經好ok，唔知唱個陣得唔得呢?

仲有就係，佢既性格都係可愛個一類型

亦都係我鍾意個一類，不過我偏偏同呢一類女仔冇咩緣份.......

依家好期待小布的新歌發佈，唔知幾時先出呢??

小布的資料

身高：158cm

體重：38kg

生日日期：1988/8/17

星座：獅子座

學系：康寧資管系

歸家時，我通常坐904/905返旺角，再轉火車返屋企

某日~我入到火車站醒起，百達通無錢，就去增值

增值個時，個櫃台服務員同我講：「先生，呢張冇得增值wo~」

我諗在一陣：「.......，點解冇得增值呢﹖」當時仲要望在張卡好耐

突然發覺，原來呢張係EPS，而唔係百達通..........

當時我終於由神智不清既狀態，即時醒覺，仲即刻攞返張百達通出黎俾人增值

事後我係度諗，點解我由聯合商場行去火車站個陣可以一d事都冇，但係就會搞個咁既笑話出黎呢﹖

最勁既係，個位櫃台服務員可以笑都唔笑下，咁同我講野........俾著係我即使唔即時大笑，都始終會忍唔住囉~

我依家真係好掛住你呀~

唉.........

睇完之後.......估唔到原來fing手開槍都可以令到d子彈曉轉彎，真係唔夠佢玩......

仲要最後個度，安祖蓮娜祖莉可以令到1粒子彈射個圓型既軌道打晒所有人，仲要最後粒子彈可以打返自己~勁~我諗要令到1粒子彈咁樣轉彎法，個一下fing手既力度應該要好大下.......

簡單d講，呢套戲真係睇特技，劇情真係麻麻，有d位仲要係好誇張，好似個個都係超人咁，或者有特異功能。

~完~

日本個套《西遊記》真係怕得好爛，一d都唔好睇，唔講都唔知裡面d人會係神仙囉，好似一d法術都唔識咁。仲有孫悟空係好勁架嘛，點解講到佢咁廢既...........

不過可能兩地文化唔同啦~但係我諗點都唔會岩香港人既口味掛??點解無線仲要播呢套劇呢?

而且d人既演技真係.......係超低能，但係唔係勁搞笑囉。《花漾》個d反而冇乜野wo，但係呢套就真係唔得喇，太爛喇~

我個邊有嘉信、雄仔、龍爺、飛泉、文俊、阿井、阿南，8個人

對面個邊有.......好多我唔識.......不過佢地係幾勁咁啦~

最後輸唔知幾多，好似係輸  ?:2 我地都有入到波架

一球係雄仔入，另一球係阿南入~

不過雖然係玩，但係都睇到樣野，就係原來我一唔落場，成隊波就好靜，根本冇人會提場，咁樣唔係咁好~

龍爺同飛泉又好似好緊張咁，如果佢地輕鬆d踢，踢出黎既效果可能會仲好。

~完~

如果係，咁我又可以踢多一邊~正~

原來公司有好幾個人都諗住考警察，從佢地口中得知好多野，依家返工既樂趣又大左

原來自己既體能唔係真係好差，幾好幾好~

gave up & forget once again

同時今日我又同hei、毛毛、豪輝打牌，又輸

不過算啦~

今日，基本上係頭先，我又做左個決定，對我黎講又係一個重大決定，冇信心會成功，當然最好係得啦~

休息多一日又要返工......算啦~依家對我黎講係.............

講起我既思想，我承認的確比起同齡既人好唔同，但係我想話我剛剛出黎呢個社會個陣，好多人都話我，太單純啦~哈哈~但係實情係其實我都可以好狠、好賤、好毒，只係我唔會去做呢d野，因為平時我講野已經好直，好容易得罪人，所以無必要再為自己樹敵太多。但係雖然係咁，我都係個d「人不犯我，我不犯人」個類，唔會無端端做d野去得罪人，當然如果某人一次又一次對我態度差又或者搞針對，我都會做返d野既~就好似大口咁~

其實講起大口個件事，我做之前有諗過度過，亦都知道我咁做可能會有人反對或者覺得我咁做好過份，但係我想講，「每一個人都要為自己既行為負責」你點對人，人點對你。雖然係咁講，不過同時我都承認我無論去到邊，我都係一個幾惹火既人，我唔知點解，可能係因為我既性格掛~但係點都好啦，我可能的確係一個幾麻煩既人，但係我對朋友對事都盡量公平，亦都攞個心出黎對人。

不過好多人都唔太明白我，以前我會幾介意呢樣野，but自從我識左耀哥，我又覺得人地點睇係人地既事，我既想法其他人唔一定要理解、接受。所以之後我又覺得人地點睇都已經唔重要。我只能夠講，做任何事之前我都有諗過。

但係關於大口件事，我都要同其他人講聲唔好意思，麻煩到你地真係唔好意思。SORRY~

miss都要我地個組交參考資料，但係就同hei講，就算交都會扣分，唔交就一定唔合格。But佢同我講，就算交左都一定唔合格，因為唔乎合佢既要求wo~因為d資料係一定要出自書，而且唔可以吹出黎，呢d係之前已經講明wo~

問題一,我同hei同組都可以有2個版本??

問題二,我地個組同毛毛個組都係以網上既資料為主要來源，但係點解佢地個組交網址就得，我地唔得，交就話會唔合格?

問題三,d資料要出自書，但係又唔可以抄書，又唔可以吹，咁我個人覺得吹，都係要有一定資料先吹到既，咁究竟係要我地抄書定係要我地分析(吹)之後既野呢?

對唔住呀~miss可唔可以唔好屈我地機﹖我知錯喇~依家我冇得潛水，你又屈我機，我好難做wo~最多我好似大口咁借部nds俾你屈喇~你可唔可以唔好屈我機呀??

今日一早起身見到個指住9:35，我即時刻飛身落床，刷牙洗臉，因為我今日要返part-time，返10:00~

其實起身都知好大，因為街外好大既聲，好嘈，不過當時淨係諗住遲到，都無諗過會有黑

but臨出門口前，我細佬竟然罕有地通知我：「黑雨wo~仲返工﹖」

我呆一呆，望下電視：「係wo，打個電話先。」

之後打俾d同事，問係唔係落左黑雨後2個鐘頭要返到公司，佢地話係，咁我唯有等下啦~點知等到11:00多d就落左黑警告，又要趕返公司......好左返到去無咩野做，做到19:00收工走人，but把好唔生性，用用下，壞左，唉.......我就到屋企都要臨濕身....

佢大約係問呢單料係唔係真﹖同埋表明佢都會有行動，而且佢話其實就算我唔講，佢都大約知道大口會係咁，but冇人出聲冇證據咁啦~

仲有就係，佢話如果係真，會循例通知大口一聲，睇下佢有冇悔意或者合理既理由wo~

即係話今日之後我諗我同佢之間會有更大既牙齒印，but唔緊要我冇所謂，錯不在我~

仲有一樣野，阿sir話數學個度睇下佢考成點先，因為佢話大口數學太差，可能唔洗佢郁手，大口都已經唔合格，唔知點解，我覺得阿sir既意思係話無論點，大口數學呢科都係死緊，問題係阿sir洗唔洗自己郁手。而且佢講完我覺得佢份人比我更邪惡.......

其實原本我一開始冇諗過，話俾阿sir聽，大口係3份物流報告裡1d野都冇做過，但係對我黎講，基於幾個原因，我先咁做

第1,一開始係佢話佢會做野我先同佢一組

第2,佢唔做野唔緊要，唔好俾d咁爛既藉口我，成日唔出黎做野

第3,既然你唔想做就由頭到尾都唔好問我進度，問完叫佢幫手，就行開，想點﹖

第4,3份報告可以話係得我同文俊做，既然係咁，平時對我d態度就唔好咁差，仲有唔好搞針對，咁如果對我好d我都可以俾個藉口自己由得你，你唔做我冇所謂，好似阿南、軒個d咁

第5,交project前係我面前認晒錯，雖然話係認錯，但係其實佢都係推3推4又話誤會又話講野直左又話以為毅進d文化係咁等等~但係實情係，交完報告，對我d態度依舊咁差，可以話冇改過，所以我個人認為佢係為左3個project先同我懶係fd返~

(閱讀全文)

我諗我其實有幾秒鐘係冇左意識，而且我真係唔知大口個野係撞到我，而我亦都只係記得頂完個波，就瞓左係地下，之後個頭就好痛，而且我唔係好明，點解自己唔會雙手落地先，而係直接頭落地

今日都俾佢撞左好幾次，但係估唔到最後個次咁應........依家食野個陣郁下都會痛......個頭到依家都係腫左.....

But今日個狀態好差

自己好白痴咁俾人入左2球，對唔住呀~強仔、嘉信、卡卡、毛毛、軒、楊仔，因為我差d搞到輸埋，Sorry~